阿今 - Part 1 (發現)

LMP: 15 NOV 2014

經期完了幾日後, 我再搵中醫阿伯, 開始調理身體.
今個月份, 可能身體清得不錯, 阿伯認為我可以開始"補身",
所以連續一星期每晚我放工後, 都要去飲藥.

一聽到中醫說"補身" 我當然好高興啦~
所以就算有幾難飲, 仲要晚晚一次, 我都好樂意去.....
加上, 這星期收到好姊妹居然有喜, 我更想加把勁.
壓力相對地, 好大.....排卵期間, 我計劃是隔夜行房,

誰知道...到第三次時, 老公居然作病, 又嘔又胃痛,
我失望到....走了出廳, 係SOFA度勁喊...
老公後來走出黎, 一見到我喊成咁, 佢都嚇怕了....
結果........得逞.

因為今次在咁樣既情況下實行, 我其實叫安慰了自己,
但心裡都打定下個月再黎吧~
所以我預book定了醫生, 12月14日 (Period第3-4日)拎排卵藥.

Yahoo 回憶

發覺香港真的多了好多人生小朋友,

而且不止一個, 近日係其他網誌, 都見到好多人已懷有第二胎.

尤其好開心既係....由他們第一胎時, 我已經有追看的.

當初, 因為計劃生BB, 試了幾個月未成功~就去了買紅D綠D,

上網search了, 就出了好多人都有用....而且更寫了網誌,

所以bookmark了, 就由當時開始...

由他們預備 ->  不能說的咪咪 -> 產房激戰,

到而家BB的成長日誌, 我都有看.  

好開心, 有好多有心思為預備生孩子而寫網誌的人, 

生了後, 都繼續有寫...我就好似一路陪佢地成長咁.  

當然, 都有一些真的太忙, 太無時間....失蹤了......好可惜!

尤其是, 當初用yahoo blog寫的, 過了12月26日後, 

想再看都無了, 唔知道~這些媽媽知唔知道呢個消息..

雖然佢地都無再寫落去, 但我都希望佢地可以及時backup了網誌,

留一個回憶吧~!

恭喜 .... ..... ....

近一個月, 收到2個朋友既好消息~

有一個是懷有第二個了...好勤力, 大女今年新年前出世...出年就會升做家姐.
雖然都是好朋友, 但我知道時....我忍不住關了WIFI, 3G.....不想收到群組whatsapp的"恭喜..."
對不起YY...我真係不想聽到.......雖然事隔2個月了, 我....應該無事....但遇上這個情況時, 我心底都會好難受.

第二個好朋友~是我中學同學, 這個朋友情況不同, 因為佢身體體質比我地差好多.....

體重 - 只得8x-9x磅, 雖然人矮, 但瘦得好似人乾.....
面色- 比較差, 至細見佢都好似人虛有病咁既樣......
經期- 2-3個先一次....

因為我地幾個中學同學都有用紅D習慣, 所以都叫佢試下....都用了差不多一年,
週期長既問題, 佢睇了一兩個月中醫, 有幫助....由6-70天一週, 變了40天左右~
而且用了紅D, 佢都覺得有深粗開始14天後, 如不成功....都會預計到小紅就黎,
好過以前....估估下.

但近幾個月以我知, 佢停了睇中醫, 因為去旅行.....但紅D習慣就無變...
其實種種問題, 令佢一向都知道好難懷孕....加上老公都已經預了不會生,
佢自己都係.....有冇都不打緊了. 以佢覺得我跟另一個同學一定成功機會大過佢~
事實都是....我跟另一同學都在今年曾經成功, 但同樣地...不足3個月就.........
正當我地從新開始預備時, 佢成功了....

當我知道時, 打從心笑了出黎, 是真心的替佢高興....因為我都知, 佢既機率係較低, 都成功了.
所以我自己都要加油 !!!!!!

不負責任的老闆

點解我會咁講?!
其實都提過好多次, 細細老闆是我朋友來, 是打機識的, 好好笑 !!!

直到今時今日, 大家都人大了, 但仍然有打機.
都有共同一班朋友, 但我一直, 不想其他人知道我打佢工,

問心而論, 盤生意不是我的, 我只是一個打工仔,
雖然是朋友的公司, 但講真, 做了快2年喇~一直都想走.

"不負責任的老闆" 是指我這個朋友

第一個月- 成績表

11月15日(五)

小紅比預期中遲了3日, 近兩日見遲了, 有用紅D試試...有線, 但無越深, 所以我都知未必成功,
但一日未見紅, 一日仲有希望~所以, 尋日買了一支平平地既驗孕棒, 今朝用.

BBT有下降跡象, 小便時又未見小紅, 但都忍不住用了支棒棒 (好緊張.....) 無線~orz
唔緊要啦, 早一個月已約了加拿大既兩個好朋友, 今晚食大閘蟹, 所以算安慰一下自己.
但最好笑是....我臨出門返工前再上廁所............見紅 (心諗....你早d出來, 我咪慳返囉......)

又一條好漢

記得當我跟朋友講有關8週夢一事時,
我當時安慰自己~中醫調理後, 來一次經期,
又一條好漢, 重生, 又努力過!!!!!

星期六(26/10) 剛一個月, 我返去元朗看馮醫生覆診,
我同醫生講了一個月來, 身體既表現, 而且~經期已經來了同完結,
Cycle同以前一樣, 今次27日左右 (30日內), 醫生根據我既出血量
(量多既日子, 比之前多好多好多好多.......) 正常, 是預計之內,
其實中醫都提了我, 今次會量多.....但我都出事 XDDDD 整dirty了床單.
至於, 經前經後流啡分泌, 如果量不多, 時間一星期以下,
都正常.  今次醫生無幫我照超聲波, 因為佢結論是~身體大致已回複.

一直我都有用apps紀錄BBT, 所以我有比醫生看看, 過去一個月我BBT表現 - "正常",
照紀錄有升高同保持高溫, 高低溫有差距 = 有排卵.

今次覆診, 只係交談, 醫生提過~如果想快, 可以開排卵藥比我, 如果想確定知有否排卵,
可以回來抽血驗.  我自己心想順期自然一兩個月先, 同諗清楚先決定食藥, 因為壞處是,
有機會多胎.  抽血...BBT都可以反影到, 所以2樣都未落實做.

==============================================

排卵藥 = 經期第三天開始食
驗黃銅 = 經期第21日抽血驗

期待已夠的小紅

無睇錯, 真的等了很久...

由我接受現實開始, 已等了3個半星期,

因為林醫生說了, 只要來一次經期, 就可以再努力 !!!!!!

由9月20/21出血開始計, 今日為第26日.  跟過往cycle差不多日數,

我一直照舊在早上有量BBT, 剛過去的日子, 平均BBT為36.19 (比以前低了好多),

出血計Day 13為排旦日 =3= Program自動計的, 因為Day 14開始BBT就上升, 保持在36.56 - 36.61之間, DPO12開始下降, 下降之度數跟過往差不多, 大概2日時間就開始有分泌.

昨晚因為肚開始有M feel, 同有少許淡粉紅分泌, 我就看了中醫, 醫生話這一次藥, 會令經血量流得較多, 但就會準快完.  我當然求之不得啦....只要經期正常來臨, 快完結, 我又會是一條好漢, 再接再厲 !!!!!!

8週夢的 - BBT篇

 Post出來, 是希望比自己一個參考.

DPO 10 & 11 - 兩日都有點狀啡血, 其中更有滴出來
DPO 15          - 紅D有粗線
DPO 16          - 用快驗寶, BINGO了~!
DPO 18          - 抽血驗HCG, 私家醫生見個數值, 嚇定我不樂觀.

留意一下, 由驗到BINGO開始, BBT穩定過之前, 雖然都有上上落落, 但起碼我唔覺得有大跌.

就算之後第一次照超聲波流啡點開始, BBT都仍在高位, 但當開始轉為鮮血大概2日後, BBT就急跌了.

8週夢的 - 事後調理

由上星期二 (24-Sept)到今日, 已經過了一星期.  馮醫生照過已排得8899後, 第二日開始流血量已少了好多, 隔了一日後, 發現時有時冇地排出啡色物, 情況類似經期尾段, 所以我決定去看中醫把脈, 希望中藥可以幫助餘下的組織順快排清.

飲了兩次中藥後, 已經乾淨哂.  但今個星期返工後, 發現原來身體仲好虛弱.  雖然日常工作我都留在辦公室, 而家帶飯, 中午時間更加不用走多2轉既3層樓梯,  但一放工後, 食過晚飯身體就開始無哂精力, 情況就好似突然無電......

而且後腰好痛....看了中醫, 醫生話我腎虛 =.=""""""
同埋...以為我仍然留家休息中, 唉~大夫, 我已經休了一星期多的病假,
再休息的話, 我會好悶....

結果由星期三開始連續飲了4次藥....我知每次醫生都在調節中, 因為我有不同反應,
例如: 多夢, 半夜醒了, 起身不夠精神, 朝早起身時喉嚨痛, 等等...
每次醫生知道, 都會改良少少藥方, 所以身體經過了幾日飲藥後, 都收善了好多, 尤其....排便.

22 to 30 Sept 2013 (發展)

22 SEPT 2013 ( 星期日) (8W7D)

一朝早未起身, 老公問我情況如何, 身體有冇好痛.....

我今次如實講了....成晚失眠, 其實由17號開始, 夜晚已經訓唔到, 但昨晚是痛到訓唔到, 

左轉右轉, 而且因為尋晚大量出血, 我好想知肚內情況, 加上, 今日下午因為"天兔", 好大可能會8號風球, 所以我地兩個馬上起身換衫, 去新墟照超聲波 - 梁文哲醫生, 梁醫生只是家庭醫生, 不是婦產科, 所以心態上我只想知個情況, 無預計有太深入見解.

今次都要用陰超, 老公陪我一齊看, 一照我已經見到胎囊形狀不同了, 有缺口, 而且囊中的圓環消失了, 不見了卵黃囊.  如無意外, 胎囊已經開始萎縮中.  醫生見解, 是寫紙給我去醫院做人流. 但我本人意願是, 自然排出, 因為都開始了大量出血, 而且下星期三都會再看婦產科, 就再給多幾日時間吧.......我真是好不想入醫院......

夜晚, 我如實跟細老闆whatsapp情況, 老闆為了我身體及心理上, 叫我休息一星期.  好好休息~之後先再打算.  

23 SEPT 2013 ( 星期一) (9W1D)

今日情況...........好似好轉了, 尋日照過陰超後, 出血量居然開始少了, 但為了安全起見, 我仍用特長夜用M巾.

24 SEPT 2013 ( 星期二) (9W2D)

今日出血量都是比前少了, 但我都仍然好緊張每次去廁所時的情況, 每次都望住下身排出了甚麼.....如有舊狀物體....我更......伸手去執起望清楚........直到

今晚又返了去奶奶家晚飯, 仲要拎了3盒飯+湯返去, 好彩行了一半, 老公已返到可以接我, 跟手所有飯盒就交比佢拎了, 好奇怪, 飯後肚開始又痛.......好唔舒服, 但又不是攪肚痛, 但令到我行得好辛苦.....返到屋企, 一直坐在sofa睇TV...肚都緊緊痛, 之後好急上廁所....又留意住, 突然~突然feel到有一舊野由陰道流出來, 睇住佢掉入廁所"卜通".  結果, 又要伸手入去執上黎,  一看....實實的一舊野, 長3吋左右, 紫紫紅紅的顏色....形狀似"男性性器前半段", 當中見有部份是白色.  老公拎了個密實袋給我袋好, 再用一個膠盒雙層保護, 先放入雪櫃, 留待聽日見醫生時再檢查一次.

25 SEPT 2013 ( 星期三) (9W3D)

至從尋晚排出了果舊野之後, 肚皮馬上鬆了...同埋軟返, 之前一直都實實的.  老實說, 心底裡鬆了一口氣, 大量出血後再排出了胎組織....只要排得夠清, 就不用入院做手術了.  所以夜晚我終於可以入睡...心情都"放下了心頭大石".  夜晚經馮醫生照超波檢查, 大致上已經排得99%, 見返子宮的白色線, 只剩少許血塊, 再經婦科檢查陰道, 醫生再一次說, 排得都算乾淨, 跟看過多一星期時間, 就會排清, 可以安排一個月後照超聲波檢查.

26 SEPT 2013 ( 星期四) to

之後兩日, 出血量已經好少好少.....而且開始轉為啡色, 證明出血已停, 只剩殘留的血塊排出.

星期四跟星期六都看了中醫, 說了情況. 醫生好替我難過....開了排惡露的藥給我.  預小產後一星期左右, 就可以開始調理身體.

17 to 21 Sept 2013 (發展)

17 SEPT 2013 ( 星期二) (8W2D)

中午時間去了旺角中心第一次檢查, 得到的結論咁不好, 我腦已經空白, 時間好似停止了, 回到公司我無告知任何人, 只是不停上網做research.  因為一早已plan好今晚不會參加公司既中秋晚宴, 所以準時六點放工就離開了.

林醫生在報告上寫明了

胎囊size: 15.5mm x 15.4mm x 11.6mm (好似一個梯型)

卵黃size: 6mm

上網search過....size似是6週左右大細, 週數少2週, 

見到其他case, 有人試過一星期後見到胎兒同有閃閃, 原來受孕比預期遲了.  

當下, 我都跟自己講, 希望在明天, 下星期三約了元朗 - 馮樹明醫生檢查, 就等到到時再照先算吧~!

林翠苗醫生 - 第一次檢查

17-09-2013 (二) 8w2d

原本BOOK了30-9-2013 第一次檢查, 但昨日臨近收工時, 收到診所姑娘來電, 今日有位可以提早檢查, 問我會否改早.  我當時求之不得啦~一直我都好心急快照超聲波, 因為一日未見胎兒~我一日都未安心.

12:45PM   我準時到達~先磅重, 量血壓, 填寫第一次應診的表格資料, 等了一陣好快就可以入房見醫生了.

醫生好斯文, 好有禮貌, 而且一入去, 醫生就稱呼我小名, 好親切.  唯獨是說話真的比較快~幸好我一早已有準備, 所以都好小心聽醫生講解, 問了基本病歷後, 醫生就叫我入房準備照超聲波.

忍多七個月

原本9月25日, 我就返新工.
但因為發生了意料之外(內)既事,
引致~今日, 我仲返緊大角咀.

朋友係我老闆, 當初轉工都以為這是一件好工.
不過做了幾個月就知出事, 跟我當初預期的好大出入.

原本見完工果幾日, 因為知道有offer~
都開始清理堆積了既文件, 誰知....而家慢慢清都唔遲喇.

出年~希望新公司會繼續請人, 只要我過了"假期"
一切新事物安頓好, 就一定離開大角咀 !!!!!!

反應?!

10 Sept 2013 (7W 2D)

我想講, 由拎到證明書到現在~
一直無醫護人員跟我講過, 現在是第幾週......

呢個週數, 都係我由網上輸入最後經期日, 所得到的.........orz  =.=""

由上週尾到今日, 間歇性我都覺有頭暈....用過老公部血壓機量, 真的是偏低...
所以老公都好緊張, 要我一切動作都放慢, 當然~我自己知自己事, 都會加倍小心.

健康院登記及排Oscar

4 Sept 2013 (三)

今日請了下午半天假, 返屯門去湖康健康院登記, 以及排"唐氏檢查"

到達健康院, 先去登記處, 姑娘收了我的身分證及懷孕證明書, 問明了我會在屯門醫院生產, 就給了份表格我填寫, 以便稍後去排期.  交回登記處後, 等了一陣間~就叫我名.

姑娘安排了2013年10月31日上午第一次產檢. 並且給了我一個小禮包我慢慢細看.

超聲波相上的字母

超聲波相上的字母

GS:胎囊大小     
CRL：胎兒頭頂到臀部的距離
AC：胎兒腹圍的長度
BPD：胎兒頭骨橫徑
FL：胎兒大腿骨的長度
HC：胎兒的頭圍
EFBW：預估寶寶的總體重
AFI：羊水指數
FHB：胎心音
FTA：胎兒肚臍位橫斷面積,多數要黎推定體重
DGA：最後一次月經所估出來的胎兒週數
TTD：胎兒肚子的橫徑
APTD：胎兒肚子的前後徑
FSD：子宮底到恥骨聯合上緣的長度，一般來說長度的公分數就等於胎兒的週數。
          例FSD＝24cm大約寶寶就是24週大小。

孕婦產前重要檢查項目

孕婦產前重要檢查項目* from uwant

OSCAR唐氐綜合症(度頸皮，測試唐氐綜合症)測試週數 ： 11－13週
＊除非年滿35歲或以上，否則政府的一般產檢是不包括的，需要自私到私家診所或醫院進行測試香港平均每一千名初生嬰兒，便有十個有明顯嚴重結構異常，每900名嬰兒便有一名有唐氏綜合症。

以羊水穿刺術抽取羊水化驗，以及在胎盤抽取組織作絨毛膜活檢，都是一些常見的產前診斷方法。然而，這些都是入侵性的檢查方法，縱使所使用的針是非常幼，抽取羊水或組織的過程多麼順利，都仍有約1/200的小產機會，所以，醫生會計算孕婦懷有唐氏綜合症胎兒的風險，及衡量小產的風險，讓孕婦作出平衡兩者的選擇。

傳統而言，以35歲作分界，35歲以上懷孕便被稱作高齡產婦，被認為最值得做入侵性產前診斷。然而，除了年齡之外，醫生亦可透過其他方法去檢查及界別孕婦是否懷有唐氏綜合症嬰兒的高風險一族。

媽媽會~

SumKin Wonderland VIP貴賓會	http://www.sumkinwonderland.com  (查詢電話：3177 4178)
Abbott 雅培EYE Q 親子天地	http://www.abbottbaby.com.hk
Cow 7 Gate 牛欄牌BB會	http://www.cowandgate.com.hk/zh-cht/bb_join
Friso 美素佳兒交流會	http://www.friso.com.hk/main.jsp
Gerber 嘉寶媽咪會	http://www.sims.com.hk/gerber/file_manager/document/appform.pdf
Health-Gate 康源 VIP	http://www.health-gate.com
Heinz 享氏BB會	http://www.heinzbaby.com  查詢電話：2586 1833
Karihome卡洛塔妮媽媽會	http://www.karihome.com.hk/
MeadJohnson 美贊臣BB會	http://www.meadjohnson.com.hk
Nestle 雀巢BB會	http://www.nestle.com.hk/tradch/club/nutrition/
Snow White 雪印家庭	http://www.snowbrand.com.hk
Wyeth 惠氏BB與妳會	http://www.wyethbb.com.hk
子母媽咪會 (for 1 歲以上 BB)	查詢電話：2859 3712

五次必要的產檢

產前檢查能能減少懷孕的風檢。產檢次數愈多當然愈好，然而資源有限，醫學界根據懷孕過程和一般風險，總結出五個懷孕時期，此乃孕婦必須按時進行詳細產檢的重要階段。如是高風險孕婦，更需要在其階段進行頻密的產檢。

不能說的咪咪

過去年多時間, 不停上網友的blog, 跟進佢地既情況, 一直都善慕中, 

無論佢地係成功與否, 努力中, 孕期中BB的發展, 我都有看~

一邊想像自己, 會否有一日都可以好似佢地咁~有個 "不能說的咪咪 "

直到.............

好多個"問號??????"

2013年8月18日(日) DPO16, BBT: 36.94

今日已經是DPO16, 小紅遲到...BBT無跌之外, 仲要標升上36.94

起身後, 馬上去洗手間, 用綠D及快驗寶做測試.

擔心, 矛盾中

今個cycle, 由7月21日開始....至今, 應該是Day 27, 

排卵日為Day 13, 即是.....M應該今/ 明日到.

身體, 今個星期都怪怪的.....

終於"的起心肝"

7月底最後一個星期五, 約了加拿大既同學DINNER.

預早...我已通知定朋友, 今個星期六休息, 因為陪細佬睇結婚場地~!

其實...只是我好想休息一下.

我心底其實每逢星期五晚至星期六, 都好想大喊出黎~

"我都有家庭生活, 我都需要陪屋企人" 

再接再厲~~

話說~上個週期在排卵後, 小便有血.

其實由排卵後, 我都有幾晚要半夜起身去廁所.

第一次有血果晚, 在半夜時.....我急小便急得痛醒了.

如果~第二朝開始, 就小便有粉紅色.....而且之後, 開始有頻尿, 同少少痛.

由於發生在排卵後, 我真係不想食西藥, 所以跟我的中醫師說了,

中醫已經盡量幫我醫, 食了兩次藥, 但都時好時壞~

有血....

上回講到....第13週期的DAY 10就排卵, 

今日DAY 17, 排旦後第7日, 體溫不算太高(36.65度),

但出門返工前上廁所, 發覺小便有去不清的感覺, 

所以今早我選擇了搭西鐵返工~

返到公司一陣, 我就去了廁所小便....量不多,

但嚇了我一跳, 因為小便有好淡好淡的粉紅色,

當我清潔時, 都是好淡色.............就好似...血水

越來越短....

發覺...Cycle越來越短, 而家平均日數, 是27日

今個Cycle已經是第13個, 代表~我已經試了一年仍未成功.

6月2日 - #13的第一日, 今個月我開始無再特別煲野飲, 食朱古力, 飲雞精, 全部停了~

只是來經時煲紅糖薑水, 因為我飲了真係舒服好多

唯一有做的, 在經期第7日晚, 接近尾聲, 只有啡色少量分泌時, 去了看中醫.  無特別去找, 只因為方便,

就在我家樓下商場, 好處在~放工7點半左右看症後, 當晚可能代煲即日飲, 

我一坐下就向醫師表明, 想生仔 

週期食療 - 別人分享

**  由BABYKINGDOM一位媽媽分享的內容

我之前試過 2 次化學性懷孕(即係綠D check 到 bingo, 但乜都照唔到, 綠D之後冇加深, 幾日至 1 個 week 後黎 M), 同 c6 一齊 check 過乜問題都冇, 因為唔想亂食維他命/成藥, 就睇左 1 年中醫調理再試埋以下方法, 以下方法試用第 1 個月即 bingo, BB 已出世, 希望幫到大家...

雞精

用法：M 清後每日一支, 排卵後停....無特定時間飲, 通常 lunch 後飲, 令自己精神 d 冇咁眼訓, 因為原味似豉油, 我飲蟲草雞精, 甜甜地易入口

功效：令卵子變大, 質素好 d 易受精

P.S. 曾經有姊妹飲完雞精後冇排卵, 如試飲 1 個月後有問題要停飲

肉桂的功效與作用及食用方法

肉桂的功效與作用及食用方法

肉桂 辛、甘，大熱，歸腎、脾、心、肝經；  

肉桂的功效：

   補火助陽，引火歸源，散寒止痛，活血通經。用於陽痿、宮冷、心腹冷痛、虛寒吐瀉、經閉、痛經、溫經通脈。主治 腎陽不足；命門火畏寒肢冷；腰膝酸軟；陽痿遺精；小便不利或頻數；短氣喘促；浮腫尿少諸證；命門火衰；火不歸源；戴陽；格陽；及上熱下寒；面赤足冷；頭暈 耳鳴；口舌糜破；脾腎虛寒；脘腹冷痛；食減便溏；腎虛腰痛；寒濕痹痛；寒疝疼痛；宮冷不孕；痛經經閉；產後瘀滯腹痛；陰疽流注；或虛寒癰瘍膿成不潰；或潰後不斂。

今個週期怪怪的~!

小紅姐又來了~!

今個週期又少了, 而家平均週期是27日.

而且紅D深粗日後4日, BBT無升過, keep在36.4x.......我已好擔心, 難道身體有問題?

到了第5,6日, 才開始上升至36.65左右, 今個cycle真的好怪,

誰知道~過了6日, 又再開始不穩定 (Erratic BBT) , 開始下降.......唉 ~!!

到了今早, BBT得返36.18, 天呀~所以朝早已換定了日用片片.  

意興欄柵

 < 估唔到~ZF篇, 會有咁多篇日記 >




入職日期: 2012年2月15日

短短一年時間~C.V.都唔知寫埋入去, 好不好~!

過年前記得朋友提過, 公司會出花紅, 一個月人工,

但要待戶口有錢先出, 哈哈~~

今日收到3月份人工的期票了 (支票明天: 3月29日)

但只有人工, 未有花紅......orz

又要再等~~~等~~~~~等~~~~~~無了期地等 !!!

心口壓大石

已經連續了幾晚, 都訓得不好
每晚都不停發夢~
事源........



3月14日(星期四), 終於開會.  其實一早已知道, 公司會因為"大陸女人"而要進行的改革.

一.    有薪病假 - 取消有薪病假, 跟足勞工法例, 需要連放4天病假, 才會有五分四日薪;
二.    遲到問題 - 9:15後, 遲到多少, 照延遲放工
三.    辦公室員工照舊用支票出糧, 地盤員工(月薪)轉自動轉帳...

遲了....

記得上一次小紅來時, 是初四, 2月13日~

意料中事, 因為上一個cycle 老公剛做完手術, 所以休養了幾個星期~!

一見小紅, 我反而是開心的, 因為又可以預備了.

照舊, 月事期間每晚黑糖薑水,

新一年新開始

新春過後~停了寫BLOG一段時間, 事源......

.............
......
....
..
.

新春大吉

2013年新春- 初九, 開工大吉日

上午返工 - 拜神飲茶, 開工利事, 估唔到~結了婚都收了十多封~~~~

準時探訪

2月份~如我所料,

由於1月初老公做完手術, 為免爆傷口, 所以出院後都一直休養中.

就算月底時排旦日, 都不敢搏~

所以1月29, 30日紅D深紅= 排旦日後14天, 2月13日小紅準時報到 

子宮內膜厚度

子宮內膜厚度會隨著月經週期不斷變化的，在月經期時子宮內膜功能層脫落保留基底層。月經第15-28天，子宮內膜厚達5-7mm.成年子宮排卵期子宮內膜厚度長7~8cm。排卵期子宮內膜厚度寬4-5cm排卵期子宮內膜厚度厚2-3cm這裡說的是子宮的厚度而子宮壁是分三層的，照這樣分析應該沒問題的。。卵泡監測共四天，第一天1.5*1.8第二天1.7*2.1 ,第三天，第四天測就沒有了，也就是醫生說的卵泡破了。

著床- 受精卵的行程

以下內容~好長篇 但真正令人了解到, 

當你捉準了排卵時間跟成功受精後, 受精卵的行程

路程中所遇上的關口, 能否成功通過所需的條件~!

九型人格

我變了.....由六女變成一仔....是好是壞?!

與君一席話

話說~

昨晚公司團年飯, 雖然近兩日都胃痛不適, 但都要出席 

工程公司的飯宴, 都不用說~最緊要有"酒"~開席八點半左右~

好快, 九點半鬆少少~已見酒鬼們開始滿場飛, 我們幾個坐了最近入口處既一圍台,

其實都幾自成一角, 最好無人留意到, 因為出席了幾次飯宴, 都怕了他們~!

雖然我胃一直痛, 但都食了好多餸.....因為......"不要跟他們有眼神接觸 !!!!!!!" 

所以全晚都密密食跟密密笑 

=======================================================

十點半左右~供應商們都走了, 我跟ML 都住屯門, 所以跟他搭的士返屋企了 

其實來了快一年, 但一直都好怕ML, 雖然知他為人好隨和, 但要發惡時, 都可以嚇死你~!

從未好似昨晚般, 傾了那麼多~~~

接近屯門時, 他問我做成怎麼樣, 習慣了沒有 ?

事源我從未做過~會計以外的工作, 現在的職務真的未接觸過...

我答他~一般啦, 未習慣既方面....呀, 星期六囉, 就快一年了, 直到而家我都仲未慣要返星期六 !!

而家對我只有Friday Sick, No more Happy Friday ~! 
做了近一年, 屋企就比以前DIRTY, 因為星期六半天= 沒有了全日 

( 既然他問到, 我先照說出口~ )

不過結論是......星期六, 真的需要一個Admin聽下電話囉 !! (我當場心諗, 星期六的電話, 可能3只手指已夠數!!)

我心知老闆們的心意, 這不是我第一份工作, 只是以前公司聽電話這一項工作, 不需要我做囉~~~

基礎體溫

2012年7月份週期開始~每朝量基礎體溫, 較了鬧鐘每朝06:50醒 

初開始時, 只用屋企普通的探熱針, 發覺真的變化不大, 準確度不足

8月份開始, 正式買了一支電子"基礎體溫"計~好貴......2百幾蚊 (TERUMO 泰爾茂電子體溫計)

如果以我自己用家意見, 比較~

用驗排卵試紙, 預計經期到期日, 比起BBT更準確

因為近幾個月都有用驗排卵試紙, 只要見到紅D有紅線, 14-15日左右, 小紅就準時來~

反而, BBT好易受其他因素影響, 所以我會對用驗排卵試紙有信心得多~!

既然有量BBT既習慣, 當然就要找一個好方法去幫助紀錄, 我好懶~懶去量完再拎筆寫
所以我用手機的apps去紀錄, 而且仲列埋圖表, 好方便 (上次發燒看醫生時, 介紹了比我的家庭醫生~)
以下有幾個不錯的選擇:

              

=========================================================

基礎體溫（BBT）
很簡單，基礎體溫就是經過一晚上正常睡眠後醒來時的體溫。正常排卵的女性，排卵後的基礎體溫會馬上升高約0.5-1.0℃，並維持到月經來潮前，一旦月經開始，體溫即下降至原來的水平。體溫上升是黃體素作用的結果，黃體素是由排卵後的黃體生成的。 

因此，您根據基礎體溫就可以知道自己是否排卵，及什麼時候可能會排卵。 

另外，基礎體溫還可以確定其它不孕檢查的最佳時間。 

做起來很簡單，您只需每天早上醒來後，在進行任何活動之前測量口腔溫度就行了。進食、喝水或四處走動都會改變體溫。基礎體溫表精確到十分之一度，因此，只要體溫稍有升高，您都可以測量到。 

您應該在月經週期的第一天開始，也就是月經來潮開始時，

用表格記錄體溫，這樣可以顯示整個週期的體溫波動。 

您還應該記錄任何可能影響體溫或生育的事件，例如性交、出血、失眠或生病。排卵期（月經週期的第14天左右）體溫升高大約半度即提示有排卵。

婦女基礎體溫的原理
		婦女在排卵之後，黃體素（Progesterone）上升，當黃體素上升超過4ng/ml時，會刺激下視丘的體溫調節中樞，釋放出正腎上腺素使體溫升高0.3℃-0.5℃，高溫期會維持到黃體素的濃度下降，月經來潮為止。

紅糖/黑糖薑茶

工欲善其事，必先利其器

既然預備懷孕~當然要準備一個好位置給BB

自細媽媽教落,每次月事最好排得乾乾淨淨, 之後先可以進補 

而家每月只要確實月事開始, 我都會煲紅糖薑水飲, 每日一杯

=============================================================
材料：
薑四至五薄片、紅糖二至三茶匙

作法：薑洗淨切薄片，放入適量滾水中，小火熬煮10分鐘，加入紅糖攪拌溶化即可。

功效：具有發汗解表，去除風寒的功效。尤其適合在剛開始出現感冒症狀時飲用，能舒緩發熱惡寒，頭痛或身體痠痛症狀。中醫認為，紅糖具有益氣養血，健脾暖胃，驅風散寒，活血化淤之效，特別適於產婦、兒童及貧血者食用。

同時，針對感冒早期症狀的差異，有一點必須注意，如果已經有喉嚨痛的症狀時，老薑的份量不可以添加過多，避免辛辣的燥性刺激咽喉，通常黑糖、老薑的份量是三比一；反之，若感冒的初期並沒有咽喉不適，但是卻有很多痰液，此時黑糖就不宜放太多，避免甜膩刺激咽喉生痰。當感冒症狀嚴重時，如果喉嚨痛、痰液多，而且咳嗽、發燒時，就不可以隨意服用黑糖薑母茶，因為溫熱的刺激，可能會使炎症的反應更加嚴重。

另外，對於生理痛或經前容易腹瀉的女性而言，經前四、五天開始飲用黑糖薑母茶，有助於減緩經前不適症狀；對於月經後時常疲倦虛弱的女性，可選用黑糖、紅棗、桂圓煮茶，其足夠的熱量與鈣、鉀、鐵、葉酸等豐富營養素，都對造血、體力恢復有極佳助益。

============================================================

紅糖、黑糖的迷思

常常有人好奇，現在當紅的日本「黑糖」與我們傳統所說的紅糖究竟是不是同樣的東西？答案是「肯定的」，傳統的紅糖與現在流行的各種黑糖都是以相同方法製作出來的糖，在營養與食用功效上也相同，所以可說是同樣的東西。 兩者之間顏色的深淺是因受到熬煮糖漿的時間長短所影響，黑糖的熬煮時間較長，糖漿經濃縮後做出來的糖磚呈現出近黑色之外觀。至於兩者間型態粗細的差異則是因為再加工的方式不同導致，所以常見有切割成不同大小的糖磚或是研磨成粉狀的糖粉。

做足準備，但係........

點算好
今個cycle可能因為雞精跟花旗蔘排骨湯作用，
提早了排旦，今日第10日，紅D就有線。
但是......老公又病緊，邊有心機。
明晚公司又新年飯，難道做足準備，但陰差陽錯要錯過了?

No more Happy Friday !!

應該由....第一份工數起

九龍灣 - 台灣人公司....星期六收12點 (好得意~!)
灣仔 - 會計師樓....星期六休息 (因為我住屯門, 老闆特赦~!)
屯門- 廠....星期六長短週 (咁近屋企, 無所謂啦~!)
金鐘 - 日本人公司...星期六緊係休息啦(不過平日做到想死~!)

大角咀 - 工程公司...唉, 朋友自己開, 請我過去幫手~! 雖則, 合約寫明返五日半, 但上工前都口頭講了, 星期六可返可休 "無所謂" 

原本都信~朋友都好開通, 其他老闆都是, 
但....唯獨總公司個"財務主管"看不過眼, 工作了四個月後, 有兩個星期六因為狗仔睇醫生, 無返~結果, 
佢走去疲勞轟炸老闆, 因為我無"向"佢請假, 目中無人, 無大無細..........等, 之後發生既事, 太長篇~另外再講喇 !

至此之後, 星期六都唔敢唔返~!
好似今日, 返工食個M記熱香餅餐, 再hea等放工好過!!

心底裡, 其實覺得好不公平, 公司有五個人, 老闆兩位~
另外三人包括我, 只得我一個星期六如果要休息, 要通知全世界~
其餘兩人都是返就返~唔返就唔返~
今日星期六~公司又只得我一個...

其實, 真係幾無癮~! 做了一年喇, 屈埋受氣都大半年, 為了咩  ?!!!

了解多D~! (1)

了解受孕過程

可知道要成功受孕是一件困難重重的事，首先，男方必須製造足夠具活動能力的正常精子，女方必須能製造正常卵子及具備正常的輸卵管，可拾起從卵巢釋放出來的卵子並讓精子通過游向卵子，這樣卵子才會受精，其次是性交必須於適當時機進行，精子和卵子才能相遇成為受精卵。更重要是受精後，受精卵要經輸卵管到達子宮內，著床成功成為胚胎繼續成長。過程相當複雜，所以即使是具有正常生育能力並於適當時機進行性交的夫婦，每個月的受孕率亦只是大約有20-30％。成功懷孕是一個複雜並且有時具有壓力的過程，有些夫婦會因壓力而不孕!

生理週期

有月經便代表性有懷孕的能力了，一般婦女每個月(28天)來一次月經，當然人人可同，也有人不是每個月都有月經，但只要有規律也不會有問題的，從本次月經來潮第一天到下次月經來潮第一天，稱為一個月經週期。婦女的每個月經週期可分為三個時期 1) 行經期 2) 排卵期 3) 安全期。

想提高受孕的關鍵就是找出婦女的排卵日，婦女的排卵日一般在下次月經來潮前的14天左右。卵子由卵巢排出後會在輸卵管內生存24 - 48小時，男方的精子在女方的生殖管道內一般可維持2-3天受精能力，所以卵子排出的前後幾天性交會容易受孕。而排卵期就是指排卵日及排卵日前5天和後4天 (共10天)。 要生BB, 就要把握這段黃金時期了。卵巢排卵時，一般沒有特殊感覺，雖然有些婦女可能有下腹痛、腰酸、乳房脹痛或情緒起伏...等症狀，不過也不表示可以作為排卵的依據。找出排卵日可以通過間接的方法來測定，測定排卵日期的方法很多，而婦女能夠自已掌握的方法有：根據月經週期推算、測量基礎體溫以及觀察子宮頸粘液分泌等。