不能說的咪咪

過去年多時間, 不停上網友的blog, 跟進佢地既情況, 一直都善慕中, 

無論佢地係成功與否, 努力中, 孕期中BB的發展, 我都有看~

一邊想像自己, 會否有一日都可以好似佢地咁~有個 "不能說的咪咪 "

直到.............



CYCLE 17 (21 July 2013 to ~~)

12-8-2013 (Mon)     護墊 - 啡點  (心諗...咁怪既, 雖然是DPO10, 但...有點都應該是紅色, 點解係啡色既?!)
既然有不尋常情況發生, 所以~用紅D檢查 (夜晚), 結果出現了深粗, 仲要好深色.

13-8-2013 (Tue)    護墊 - 啡, 比尋日多, v v後仲見到有幾滴啡, 滴出來 (心諗, 死喇...點解咁既, 滴?! 仲要唔係紅色...)
今日去了見工, 由於唔想請假太密, 所以.......要去拎醫生紙  

眼見咁既情況, 順便問問醫生....點知~佢叫我留意多幾個月, 如果都有咁既情況, 就會轉介做婦科檢查)
接住連續幾日都有用紅D驗, 但條線時深時淺, 攪到我都唔知點  綠D一直只得控, 無線

工見成了~offer 仲要非常滿意, 人工比現時+10%, 5天工作, 一年12日大假, Bonus, 每年4月review salary....etc
上工日期: 25-9-2013

但由於近日情況較古怪, 見仲有時間, 所以未辭工住, 等小紅來了, 再辭都唔遲~!

17-8-2013 (Sat) DPO15, 照計.....小紅應該今日來, 但全日都無聲氣....

18-8-2013 (Sun) DPO16 小紅真的遲到了, 朝早量BBT仲要標升到36.92....心震震之下, 用了快驗寶檢查, 結果....
出現了2條線, 雖然較幼同淺, 但真的有, 不是控.....

19-8-2013 (Mon) DPO17 既然尋日已見有線, 暫時要hold住不能去簽新約+辭工. 放工時, 再買了2支不同牌子既棒棒
夜晚跟老公講了大致情況, 


20-8-2013 (Tue) DPO18 因為自己好心急確定, 所以午飯返, 去了旺角中心抽血驗孕..... $370, 報告會明天領取.  
跟醫生講了情況, 佢話...其實當你自己驗了有線, 都已經可以確定, 驗血就可以知道有幾多weeks.



21-8-2013  (Wed) DPO19 今日提早了半小時收工, 因為去領報告再返去睇醫生

結果: Beta HCG = 219IU/L

肥仔醫生話...個值唔夠高, 如果以我已經可以用小便驗到既日子, 加上, 我下腹呢幾日都痛....好唔舒服咁, 似M痛又似肚痛,
所以叫我先留意2星期身體情況, 多休息, 不過操勞.  兩星期後, 就可以去book檢查.