久違了既好姊妹~~

產後5個月, 我既好姊妹終於返黎喇~
1月初時, 已經斷斷續續流啡色分泌, 之前都試過, 但又唔係個個月都有, 所以我都無特別記底.

但今次唔同, 啡色之後就變了紅色; 尋日開始更加鮮紅, 暫時個量都仲好少, 只是要換護墊換密一d啦.  但為了安全起見, 今晚放工都係去買定包衛生巾看門口好喇 XDDDD

恭喜 .... ..... ....

近一個月, 收到2個朋友既好消息~

有一個是懷有第二個了...好勤力, 大女今年新年前出世...出年就會升做家姐.
雖然都是好朋友, 但我知道時....我忍不住關了WIFI, 3G.....不想收到群組whatsapp的"恭喜..."
對不起YY...我真係不想聽到.......雖然事隔2個月了, 我....應該無事....但遇上這個情況時, 我心底都會好難受.

第二個好朋友~是我中學同學, 這個朋友情況不同, 因為佢身體體質比我地差好多.....

體重 - 只得8x-9x磅, 雖然人矮, 但瘦得好似人乾.....
面色- 比較差, 至細見佢都好似人虛有病咁既樣......
經期- 2-3個先一次....

因為我地幾個中學同學都有用紅D習慣, 所以都叫佢試下....都用了差不多一年,
週期長既問題, 佢睇了一兩個月中醫, 有幫助....由6-70天一週, 變了40天左右~
而且用了紅D, 佢都覺得有深粗開始14天後, 如不成功....都會預計到小紅就黎,
好過以前....估估下.

但近幾個月以我知, 佢停了睇中醫, 因為去旅行.....但紅D習慣就無變...
其實種種問題, 令佢一向都知道好難懷孕....加上老公都已經預了不會生,
佢自己都係.....有冇都不打緊了. 以佢覺得我跟另一個同學一定成功機會大過佢~
事實都是....我跟另一同學都在今年曾經成功, 但同樣地...不足3個月就.........
正當我地從新開始預備時, 佢成功了....

當我知道時, 打從心笑了出黎, 是真心的替佢高興....因為我都知, 佢既機率係較低, 都成功了.
所以我自己都要加油 !!!!!!

第一個月- 成績表

11月15日(五)

小紅比預期中遲了3日, 近兩日見遲了, 有用紅D試試...有線, 但無越深, 所以我都知未必成功,
但一日未見紅, 一日仲有希望~所以, 尋日買了一支平平地既驗孕棒, 今朝用.

BBT有下降跡象, 小便時又未見小紅, 但都忍不住用了支棒棒 (好緊張.....) 無線~orz
唔緊要啦, 早一個月已約了加拿大既兩個好朋友, 今晚食大閘蟹, 所以算安慰一下自己.
但最好笑是....我臨出門返工前再上廁所............見紅 (心諗....你早d出來, 我咪慳返囉......)

又一條好漢

記得當我跟朋友講有關8週夢一事時,
我當時安慰自己~中醫調理後, 來一次經期,
又一條好漢, 重生, 又努力過!!!!!

星期六(26/10) 剛一個月, 我返去元朗看馮醫生覆診,
我同醫生講了一個月來, 身體既表現, 而且~經期已經來了同完結,
Cycle同以前一樣, 今次27日左右 (30日內), 醫生根據我既出血量
(量多既日子, 比之前多好多好多好多.......) 正常, 是預計之內,
其實中醫都提了我, 今次會量多.....但我都出事 XDDDD 整dirty了床單.
至於, 經前經後流啡分泌, 如果量不多, 時間一星期以下,
都正常.  今次醫生無幫我照超聲波, 因為佢結論是~身體大致已回複.

一直我都有用apps紀錄BBT, 所以我有比醫生看看, 過去一個月我BBT表現 - "正常",
照紀錄有升高同保持高溫, 高低溫有差距 = 有排卵.

今次覆診, 只係交談, 醫生提過~如果想快, 可以開排卵藥比我, 如果想確定知有否排卵,
可以回來抽血驗.  我自己心想順期自然一兩個月先, 同諗清楚先決定食藥, 因為壞處是,
有機會多胎.  抽血...BBT都可以反影到, 所以2樣都未落實做.

==============================================

排卵藥 = 經期第三天開始食
驗黃銅 = 經期第21日抽血驗

期待已夠的小紅

無睇錯, 真的等了很久...

由我接受現實開始, 已等了3個半星期,

因為林醫生說了, 只要來一次經期, 就可以再努力 !!!!!!

由9月20/21出血開始計, 今日為第26日.  跟過往cycle差不多日數,

我一直照舊在早上有量BBT, 剛過去的日子, 平均BBT為36.19 (比以前低了好多),

出血計Day 13為排旦日 =3= Program自動計的, 因為Day 14開始BBT就上升, 保持在36.56 - 36.61之間, DPO12開始下降, 下降之度數跟過往差不多, 大概2日時間就開始有分泌.

昨晚因為肚開始有M feel, 同有少許淡粉紅分泌, 我就看了中醫, 醫生話這一次藥, 會令經血量流得較多, 但就會準快完.  我當然求之不得啦....只要經期正常來臨, 快完結, 我又會是一條好漢, 再接再厲 !!!!!!

8週夢的 - 事後調理

由上星期二 (24-Sept)到今日, 已經過了一星期.  馮醫生照過已排得8899後, 第二日開始流血量已少了好多, 隔了一日後, 發現時有時冇地排出啡色物, 情況類似經期尾段, 所以我決定去看中醫把脈, 希望中藥可以幫助餘下的組織順快排清.

飲了兩次中藥後, 已經乾淨哂.  但今個星期返工後, 發現原來身體仲好虛弱.  雖然日常工作我都留在辦公室, 而家帶飯, 中午時間更加不用走多2轉既3層樓梯,  但一放工後, 食過晚飯身體就開始無哂精力, 情況就好似突然無電......

而且後腰好痛....看了中醫, 醫生話我腎虛 =.=""""""
同埋...以為我仍然留家休息中, 唉~大夫, 我已經休了一星期多的病假,
再休息的話, 我會好悶....

結果由星期三開始連續飲了4次藥....我知每次醫生都在調節中, 因為我有不同反應,
例如: 多夢, 半夜醒了, 起身不夠精神, 朝早起身時喉嚨痛, 等等...
每次醫生知道, 都會改良少少藥方, 所以身體經過了幾日飲藥後, 都收善了好多, 尤其....排便.

好多個"問號??????"

2013年8月18日(日) DPO16, BBT: 36.94

今日已經是DPO16, 小紅遲到...BBT無跌之外, 仲要標升上36.94

起身後, 馬上去洗手間, 用綠D及快驗寶做測試.

擔心, 矛盾中

今個cycle, 由7月21日開始....至今, 應該是Day 27, 

排卵日為Day 13, 即是.....M應該今/ 明日到.

身體, 今個星期都怪怪的.....

再接再厲~~

話說~上個週期在排卵後, 小便有血.

其實由排卵後, 我都有幾晚要半夜起身去廁所.

第一次有血果晚, 在半夜時.....我急小便急得痛醒了.

如果~第二朝開始, 就小便有粉紅色.....而且之後, 開始有頻尿, 同少少痛.

由於發生在排卵後, 我真係不想食西藥, 所以跟我的中醫師說了,

中醫已經盡量幫我醫, 食了兩次藥, 但都時好時壞~

有血....

上回講到....第13週期的DAY 10就排卵, 

今日DAY 17, 排旦後第7日, 體溫不算太高(36.65度),

但出門返工前上廁所, 發覺小便有去不清的感覺, 

所以今早我選擇了搭西鐵返工~

返到公司一陣, 我就去了廁所小便....量不多,

但嚇了我一跳, 因為小便有好淡好淡的粉紅色,

當我清潔時, 都是好淡色.............就好似...血水

越來越短....

發覺...Cycle越來越短, 而家平均日數, 是27日

今個Cycle已經是第13個, 代表~我已經試了一年仍未成功.

6月2日 - #13的第一日, 今個月我開始無再特別煲野飲, 食朱古力, 飲雞精, 全部停了~

只是來經時煲紅糖薑水, 因為我飲了真係舒服好多

唯一有做的, 在經期第7日晚, 接近尾聲, 只有啡色少量分泌時, 去了看中醫.  無特別去找, 只因為方便,

就在我家樓下商場, 好處在~放工7點半左右看症後, 當晚可能代煲即日飲, 

我一坐下就向醫師表明, 想生仔 

今個週期怪怪的~!

小紅姐又來了~!

今個週期又少了, 而家平均週期是27日.

而且紅D深粗日後4日, BBT無升過, keep在36.4x.......我已好擔心, 難道身體有問題?

到了第5,6日, 才開始上升至36.65左右, 今個cycle真的好怪,

誰知道~過了6日, 又再開始不穩定 (Erratic BBT) , 開始下降.......唉 ~!!

到了今早, BBT得返36.18, 天呀~所以朝早已換定了日用片片.  

遲了....

記得上一次小紅來時, 是初四, 2月13日~

意料中事, 因為上一個cycle 老公剛做完手術, 所以休養了幾個星期~!

一見小紅, 我反而是開心的, 因為又可以預備了.

照舊, 月事期間每晚黑糖薑水,

準時探訪

2月份~如我所料,

由於1月初老公做完手術, 為免爆傷口, 所以出院後都一直休養中.

就算月底時排旦日, 都不敢搏~

所以1月29, 30日紅D深紅= 排旦日後14天, 2月13日小紅準時報到 

做足準備，但係........

點算好
今個cycle可能因為雞精跟花旗蔘排骨湯作用，
提早了排旦，今日第10日，紅D就有線。
但是......老公又病緊，邊有心機。
明晚公司又新年飯，難道做足準備，但陰差陽錯要錯過了?

直到目前

2011年12月31日結婚後~
因為正打算轉工, 所以一直都未正式造人, 但都開始食定"葉酸"

轉工後, 由大概2012年4月份開始, 努力~
四至六月份都是"順其自然"法, 但都未能成功, 
七月份開始, 就試用"基礎體溫"法~但可能自己捉得不準"排卵"時間, 
上網參考了好多意見, 就決定了買"紅D"排卵紙幫手,
由十月份開始, 第一次買了廿條, 誰知道~只是十月份都差不多用光 
之後加碼, 一次過買了100條紅D, 再送了10條綠D (驗孕)
雖然用了三個月了, 都未成功~但起碼知自己有排卵, 經期算準~!
基礎體溫有高低分別~不過, 高溫期好似不夠穩定~

一直都有留意每階段可以食/飲幫手 - 首先是戒除飲涼飲
而家, 月經期間飲"紅糖薑水", 真的排血排得舒服好多~
過了月經後, 開始飲"南棗杞子黨蔘水"或"台灣出的"紅棗紅糖水"
上個月開始轉了飲"當歸雞精", 今個月打算試新野~!
台灣媽媽介紹的"花旗蔘排骨/ 豬展" 湯
好快就過年喇~2月10日就年初一, 希望到時有好消息啦