終於"的起心肝"

7月底最後一個星期五, 約了加拿大既同學DINNER.

預早...我已通知定朋友, 今個星期六休息, 因為陪細佬睇結婚場地~!

其實...只是我好想休息一下.

我心底其實每逢星期五晚至星期六, 都好想大喊出黎~

"我都有家庭生活, 我都需要陪屋企人" 



我覺得公司好不公平, 是因為~只得我一個女性, 

但公司的男人, 經常性地星期六都因為有屋企活動而休息,

我好想問一下, 點解只是我"不需要????"

屋企的家事都由我一手包辨, 洗衫拖地清潔, 我相信, 

只得一個星期日真的不足夠我去做哂~

公司的男人, 屋企都有工人, 為何他們會比我更需要星期六休息?

經過了呢個週末, 星期一返工開始, 我就發狂地出email找新工作.

我選擇了五天工作, 主力做簿記的公司.

與其, 星期六想休息要想定"理由", 我會希望, 休息是應該, 上班是我給公司的Bonus.