今日請了下午半天假, 返屯門去湖康健康院登記, 以及排"唐氏檢查"
到達健康院, 先去登記處, 姑娘收了我的身分證及懷孕證明書, 問明了我會在屯門醫院生產, 就給了份表格我填寫, 以便稍後去排期. 交回登記處後, 等了一陣間~就叫我名.
姑娘安排了2013年10月31日上午第一次產檢. 並且給了我一個小禮包我慢慢細看.
姑娘再三提我要留意, 到時要帶備的文件及用品, 而唐氏檢查, 要我自己親身去屯門醫生排期. 眼看當時只是3點3, 打電話告知老公後, 就馬上飛的士去屯門醫院.
還好, 指示牌好清楚~因為要去"特別座" E1 登記. 第一次上去, 坐滿了大肚婆跟健康院一樣, 個個都見哂肚才有得檢查~!
交底了表格後, 又要等叫名, 之後姑娘跟我問了聯絡電話, 住址後, 就比返份FORM我並安排了2013年10月11日下午做早孕唐氏檢查 (11週5日)
完成了今日要做的BOOKINGS後...已經4點多....
還要返去健康院附近, 因為要幫老公配葯, 返到屋企都5點多了............
累過平日返工時, 鞋底好痛, 所以返去屋企一陣就上床休息~晚飯要麻煩老公回家吃完飯帶給我了~!
沒有留言:
張貼留言