林翠苗醫生 - 第一次檢查

17-09-2013 (二) 8w2d

原本BOOK了30-9-2013 第一次檢查, 但昨日臨近收工時, 收到診所姑娘來電, 今日有位可以提早檢查, 問我會否改早.  我當時求之不得啦~一直我都好心急快照超聲波, 因為一日未見胎兒~我一日都未安心.

12:45PM   我準時到達~先磅重, 量血壓, 填寫第一次應診的表格資料, 等了一陣好快就可以入房見醫生了.

醫生好斯文, 好有禮貌, 而且一入去, 醫生就稱呼我小名, 好親切.  唯獨是說話真的比較快~幸好我一早已有準備, 所以都好小心聽醫生講解, 問了基本病歷後, 醫生就叫我入房準備照超聲波.



先用腹部照.  快速地一照, 跟見好濛, 所以醫生轉用陰超.  其實我一直好怕太早照, 就是不想用陰超.  但既然醫生認為陰超清楚好多, 我當然是相信佢.  老實說, 真係好唔舒服.....一大支冷冰冰既棒伸入去.  不過好快就見到一個大圓圈, 偏左有一個小環.  但.......見不到胎兒.  不用醫生說, 我自己都心知不妙....因為照計已經8週2日.  胎兒應該已有心跳.  但我居然連見都見不到佢.......
轉了幾次, 醫生已跟我說對不起, 好大可能是小產了.

待我整理好衣服後, 行出去見醫生~再跟我慢慢講解, 當然都包括了安撫一下我心情.  成因好多時都不明, 千萬不要怪責自己.  首先, 我可以再等待多一星期再照, 如果情況照舊, 證實了小產, 可以做手術 / 食葯 / 等待自然吸收/自行排出.

問了醫生, 做手術當然是最一了百了.  私家做要預大概一萬元, 如果去政府醫院都可以寫紙給我, 去急政室.  我問了醫生寫了紙給我先, 另外醫生再開給了我7日病假, 雖然我未必即時去做手術, 但怕我情緒有困擾, 都可以休息.