週期食療 - 別人分享

**  由BABYKINGDOM一位媽媽分享的內容

我之前試過 2 次化學性懷孕(即係綠D check 到 bingo, 但乜都照唔到, 綠D之後冇加深, 幾日至 1 個 week 後黎 M), 同 c6 一齊 check 過乜問題都冇, 因為唔想亂食維他命/成藥, 就睇左 1 年中醫調理再試埋以下方法, 以下方法試用第 1 個月即 bingo, BB 已出世, 希望幫到大家...

雞精

用法：M 清後每日一支, 排卵後停....無特定時間飲, 通常 lunch 後飲, 令自己精神 d 冇咁眼訓, 因為原味似豉油, 我飲蟲草雞精, 甜甜地易入口

功效：令卵子變大, 質素好 d 易受精

P.S. 曾經有姊妹飲完雞精後冇排卵, 如試飲 1 個月後有問題要停飲

花膠湯

用法：排卵前 1 星期飲 2-3 次, 如果懶自己唔想煲, 可以去鴻福堂買 "花膠響螺燉竹絲雞湯", 我果個月排卵前 1 個 week 飲左 4 日, 自己煲左 1 次飲 2 日, 另外 2 日飲湯包....

功效：加厚子宮內膜

燒艾草

用法：排卵前每日燒 1 次, 排卵後停....我係華潤堂買, 1 盒有 5 支(約$20), 點著後離開個肚1-2cm, 係肚臍附近興個肚約 15 分鐘, 燒完個肚會暖笠笠..不過我懶, 只燒左 1 次就冇燒....中醫話用暖水袋敷肚都可以...

功效：改善子宮寒問題, 令子宮變暖, 容易受孕

黑朱古力

用法：排卵後每日食一格, 我係萬寧買 movenpick 72% 黑朱古力, 只要濃度 over 70% 已 OK

功效：幫助血液循環令受精卵容易著床

中藥

M 清後開始每日早晚飲 1 劑, 醫師會根據唔同時間開唔同既藥, 排卵前開幫助排卵藥, 排卵後就開增黃體藥...睇中醫前我成日肚痛胃痛, 睇左之後好少, 整個懷孕期陀得好穩, 冇肚痛胃痛亦冇病過...我個醫師唔出名, 唔係專睇生仔, 只係普通中醫, 你地睇返自己既中醫都得...

紅 D 及分泌

我 BINGO 果個月係星期五見大量拉絲分泌(似鼻涕), 星期日 check 到紅 D 已經 120% 深, 星期一晚開工, 紅 D 深粗後 18 日 check, 綠 D 已 50% 深粗, 紅 D 已 100% 深粗, 過多幾日驗 CLEARBLUE 顯示 3week+

BINGO 前徵狀

果個月一直以為冇 BINGO, 因為排卵後開始肚脹, 胸痛, 額頭生粒粒, 同平時 M 前徵狀一模一樣, 只係紅 D 深粗後 14 日開始有 D 暈暈地, 好似暈船浪咁l, 開頭以為自己係冷親, 估唔到係 BINGO~

希望以上資料可以幫到想生 BB 既姊妹~祝早孕!!!!