好久不見~!!

好耐無更新過呢度, 阿今都已經差不多３歲~
而且~~~仲做了哥哥，哈哈
我都估唔到話咁快就再次懷孕.
在阿今歲半左右時, 其實我同老公平日分開住, 想行埋都好少機會,
所以一直都無做特別安全.  有了第二胎, 我會說意外,
因為意外地快有了, 意外地行埋次數不多下再次懷孕.

第二胎是女孩子, 一個"好"字, 所以肚皮正式收工了, 主要自己年紀都不輕.
懷第二胎過程中, 自己知自己事, 身體比起之前差了, 所以一直都擔心不夠力順產.

幸運地, 妹妹都是順產, 在2016年12月2日已出世.  而家已經6個月大,
時間過得真快.  懷妹妹中無特別去寫BLOG, 只用手機做了基本紀錄.
好對不起妹妹, 因為今次有了一個大的, 年紀又未夠2歲的孩子,
真的好無時間去分心其他野.  幸好妹妹都平安出生.

稍後有時間, 再慢慢寫下過去一年多的紀錄吧.

哥哥叫"阿今"
妹妹就叫"阿桔"啦~~

阿今 - 5M8D

話咁快, 阿今已經5個月大;  上次4個月打針時, 姑娘話5個月半大左右, 可以試食固體食物, 所以近一兩星期, 我都周圍做research.

阿今5個月大當日, 我地返大圍屋企前, 先去了馬鞍山, 因為我要拎件衫仔同沖涼液比朋友.  話說上年我咪有兩朋友同時通知我懷孕了?! "恭喜 .... ..... ...."    我地當日就係去探我果個中學就識既舊同學.  佢女兒大阿今剛好一個月, 7月出世了~  但好不幸, 朋友係作動期間發高燒, 令到BB在肚中缺氧, 引至腦傷. (每次我諗返起收到消息時, 我個心都好痛...............) 朋友更加曾經停了呼吸;  經過醫生緊急開刀生產後, 再救了佢回來.  詳細情形....之後我有時間先詳述喇.  今次係我地相隔6個月後再見面.  BB都終於可以申請放假, 在weekend時返屋企.  所以阿今都終於見到SS妹妹.

講返阿今, 搭入5個月大開始~阿今又有改變了; 佢流口水流得更勁 XDDD 又講好多BB話;  之前2個月佢都有講, 不過只係臨訓前, EE哦哦催眠自己訓教.  靜了一排後, 5個月大開始又講返, 不同既係, 佢多了高低音, 又會發音時噴埋口水; 間中更會望住隻手講.  好得意~~~~又會左轉右轉自己隻手研究.

而且, 我埋身餵奶時, 開頭佢會食到咪哂眼好似就訓咁, 但之後醒哂, 就鍾意邊食邊眼定定望我塊面, 好似研究我既五官咁.  但間中佢又唔專心, 含住我LL向後拉扯;  攪到我痛得大叫, 頭幾次, 佢會嚇得彈起, 但而家佢好似當了玩咁, 會笑 =.="""""  而阿今除了會眼定定研究我既面貌外, 仲會伸手摸我咀, 鼻, 面, 眼~~~~~

上個月我地開始似牙膠佢咬, 開了最細果只sophie, 雖然佢都會咬, 但好似唔多岩佢咀形;  之後我去了mamaishop 買了香蕉形比佢.  呢隻好好多喇, 佢一見到就識伸手拎住再放入口, 盡確度高好多~~~~而且聽到佢咬到"摺摺聲"

好多人都話阿今越大越似女仔, 可能因為佢眼圓圓啦, 不過老實講, 佢惡起黎都依然好MAN好惡, 所以我成日叫佢"惡爺~~~"  但佢微笑起黎又真係好斯文既....

久違了既好姊妹~~

產後5個月, 我既好姊妹終於返黎喇~
1月初時, 已經斷斷續續流啡色分泌, 之前都試過, 但又唔係個個月都有, 所以我都無特別記底.

但今次唔同, 啡色之後就變了紅色; 尋日開始更加鮮紅, 暫時個量都仲好少, 只是要換護墊換密一d啦.  但為了安全起見, 今晚放工都係去買定包衛生巾看門口好喇 XDDDD

阿今 - 4M4D

2014年12月8日 (星期一)

今日要又要去健康院打四個月混合針, 好好彩, 今日係澳門公眾假期, 老公可以同我一齊帶阿今打針.  我地照返booking時間, 11點左右去到等.  先要量體重同身高.  好緊張~~~因為要派成績表喇, 但好失望, 因為阿今未有6kg, 只得5.738kg.  身高59.5cm.  全都在我意料之外, 好失望 =.=""""
體重係無得錯, 因為電子磅.  但身高, 老公話緊有錯啦~~~~姑娘托起阿今向頭頂塊板推, 起碼推過了1cm多.....算, 就信佢吧.  因為我在家明明度了好多次, 一早已過了60cm高 XDDDDD

打針前, 要同姑娘見面, 做一個發展評估.  首先要阿今試下坐, 睇佢條頸夠唔夠力.  老實講, 今次係我地第一次抱直阿今在大比等佢坐.  其實我同老公都太保護佢, 一直都唔信佢已經可以坐直.
好開心地, 阿今都合格了, 跟住, 就要睇佢視力, 就係姑娘拎玩具在佢面前, 由左至右; 右至左移動.  阿今都做到, 頭仔跟住一齊轉~~~之後就引佢要拎起姑娘個玩具.  這個就慢了少少喇, 其實我知, 因為阿今一向都訓在床上, 提手拎玩具; 今次係佢第一次坐直身, 所以佢都要諗下, 見佢手指仔動動, 好想去拎, 反應就慢少少啦, 但都合格了.  (當下我就知, 之後我地要同阿今做多d練習先得 ^^)

打針後反應~今次都係微燒, 好低, 比起2個月針時, 好好多.  上次有over 38度, 今次只係37度尾.  雖然無大反應, 但就見到佢累了2日,  少了笑容.

阿今 - 3M28D

懶惰既媽媽 - 阿今已經快4個月大喇, 我今日先更新一下BLOG,

阿今提早了少少出世, 在8月4日; 37週3日就提早出來, 

因為我申請了前2後9既產假, 

結果, 提早了一星期就開始, 阿今都算唔話得, 

等媽媽可以有足十星期休息.

阿今 - 37週

2014年8月1日, 今日又要到屯門醫院檢查,
上上次檢查時, 老公有跟我一齊去, 姑娘問過佢,
會否考慮陪產, 如果會, 可以安排我地上堂學在產房時,
可以點舒緩我既陣痛.  所以今日老公特登請假再陪我黎.

入到房做了基本檢查, 姑娘再摸下阿今, 我就一路同佢講前晚訓教時, 肚下圍好痛, 我以為肚痛, 但痛痛下又無事, 又唔似急便, 就無理會喇, 第二日起身返工又無事了~~~~
姑娘跟住同我講 "BB頭仔已經落了盤, 你覺得痛可能就係佢鑽緊入盤, BB個頭仔已卡了在盤內, 而家摸都摸不到了, 好叻叻同快手" 啊~~~我無諗過會咁快, 阿今會埋哂位預備, 姑娘再三提醒, 而家要留意 "見紅穿水陣痛" 是但一樣出現就要入醫院, 不要再等了.

嗯....

可能佢見我太易肚硬, 每次我上床摸肚檢查, 佢都感覺到肚皮好易就硬哂,
所以一直都提我, 如果可以就早少少開始放假喇, 肚硬 = 假陣痛, 怕我假假下就發動了真陣痛, 就輪盡喇~~~~

之後我問姑娘上次提過上堂, 會點安排, 啊..........教授既姑娘今日臨時出了九龍開會, 無辦法了...... =.=""  老公同我都好失望, 因為今日佢特登請假嘛~~
姑娘唯有即場教了呼吸同練大腿動作, 強化大腿, 到生產時不要抽搐.

臨走時, 約定了下次檢查為8月15日, 2星期後~

檢查後, 我好緊張....因為無諗過咁快.

大廈外牆早兩日先拆除保護窗戶既膠布, 重見天日. 阿今既衫仔紗巾都未開始洗 =.="""

阿今 - 28 to 32w

我呢個準媽媽真係好懶.......
一直都無update下阿今既發展, 其實我有紀錄,
但只是在手機apps / 手機notes寫底.
主要都係數字, 感覺既事.
不知不覺, 已經阿今已經32週了,
我會努力追返之前未打既紀錄 !!!

28 to 32 Weeks (30 May to 3 July 2014)

阿今 - 別名的由來

話說12月時, 朋友們打算約日子去"重慶串燒",
但由於經過驗孕棒確定, 當時已經懷孕中, 好初期,
為了安全起見~不想亂食加工食品, 所以想盡辦法去推.

因為目的地好近屯門, 所以每次辦活動, 我都一定會參加,
這次真係好難有借口, 我唯有跟"攪手" - 早前提過,
正懷第二胎的朋友skype說.

我: 對不起啊~因為"今次"老公好緊張, 想我不要亂飲食,
同出夜街, 所以你地不用就我改時間跟日子去串串了 .....

就係因為咁...阿"今"就成了小B的代號/ 別名.

阿今 - Part IV (12 weeks)

< 7 Feb 2014 > 星期四 (初七)

今日好緊張~
因為約了下午 1:30 在屯門醫院做OSCAR 檢查,
我自己本身仍在放新年假, 而老公就請假一天
陪我去, 因為今日檢查好緊要, 同埋又可以
照U/S見阿今, 請假都應該啦~~~~

去到醫院, 登記完後, 等叫名對資料, 之後就
磅重, 再等叫名入房等U/S.
可能剛食完飯啦, 姑娘們心情都不錯, 講真...
我好怕政府醫院既姑娘, 因為每次接觸都好cool,
扮聽唔到.., 好在, 婦產科既姑娘都不錯, 心理上
都安心d.

阿今 - Part III (10 - 11.5 weeks)

10 - 12 weeks (18 Jan - 7 Feb 2014)

上次9週檢查聽到阿今既心跳聲, 我同老公
個心都定d.  雖然醫生部機比較濛, 但我地
都清楚見到一個C字, 彎彎地扒係度.

呢3個星期剛好在新春期間, 我身體已經嘔
少了, 胃都仲有少少頂, 但比之前已經較好.
胃口其實我無太大變化~都是正常地戒口啦.

新年期間, 年糕 & 蘿蔔糕照食 XDDDDD
都係果句~食唔怕, 不要過量就可以了
(我同自己講~哈哈)

屋企人一路都未知~知道的只有我爸爸同
細佬, 媽咪未知~係因為我知佢會好緊張,
係超緊張~而且我知, 咁一定會好影響我心
情, 加大我壓力, 所以我選擇穩定了, 遲一
些再講吧.

阿今 - Part II (6 - 9 weeks)

<   2013年12月28日 (星期六)   >

好緊張, 不過我叫了老公不用陪我, 因為仲初期,
加上佢今日有事要返學, 大家都輕鬆一點吧.

跟馮醫生講解了一下經過後, 先上床照超聲波,
好開心, 醫生用在肚皮照一陣, 已搵到胎囊.
醫生大致照了一會同講解了胎囊size , 卵黃囊大細,
估計為5週. (比我預期中少了一週 =O=)

醫生話, 嗯~胎囊夠圓, 都好靚, 暫時不用擔心.
而且都證實了我的確已懷孕 !!!!!!

胎囊: 1.6cm (5wks)

NIFTY - T21

朋友12月中時, 去了政府醫院做唐氏檢查,
以佢一向慳家的性格, 免費的檢查當場要做啦,
較早時, 佢已問我意見, 政府 / 私家檢?

當時我立場是; 會先做政府檢查, 如有問題~
會另搵私家再check, 因為費用唔平, 要6k - 8k.

阿今 - Part 1 (發現)

LMP: 15 NOV 2014

經期完了幾日後, 我再搵中醫阿伯, 開始調理身體.
今個月份, 可能身體清得不錯, 阿伯認為我可以開始"補身",
所以連續一星期每晚我放工後, 都要去飲藥.

一聽到中醫說"補身" 我當然好高興啦~
所以就算有幾難飲, 仲要晚晚一次, 我都好樂意去.....
加上, 這星期收到好姊妹居然有喜, 我更想加把勁.
壓力相對地, 好大.....排卵期間, 我計劃是隔夜行房,

誰知道...到第三次時, 老公居然作病, 又嘔又胃痛,
我失望到....走了出廳, 係SOFA度勁喊...
老公後來走出黎, 一見到我喊成咁, 佢都嚇怕了....
結果........得逞.

因為今次在咁樣既情況下實行, 我其實叫安慰了自己,
但心裡都打定下個月再黎吧~
所以我預book定了醫生, 12月14日 (Period第3-4日)拎排卵藥.

Yahoo 回憶

發覺香港真的多了好多人生小朋友,

而且不止一個, 近日係其他網誌, 都見到好多人已懷有第二胎.

尤其好開心既係....由他們第一胎時, 我已經有追看的.

當初, 因為計劃生BB, 試了幾個月未成功~就去了買紅D綠D,

上網search了, 就出了好多人都有用....而且更寫了網誌,

所以bookmark了, 就由當時開始...

由他們預備 ->  不能說的咪咪 -> 產房激戰,

到而家BB的成長日誌, 我都有看.  

好開心, 有好多有心思為預備生孩子而寫網誌的人, 

生了後, 都繼續有寫...我就好似一路陪佢地成長咁.  

當然, 都有一些真的太忙, 太無時間....失蹤了......好可惜!

尤其是, 當初用yahoo blog寫的, 過了12月26日後, 

想再看都無了, 唔知道~這些媽媽知唔知道呢個消息..

雖然佢地都無再寫落去, 但我都希望佢地可以及時backup了網誌,

留一個回憶吧~!

恭喜 .... ..... ....

近一個月, 收到2個朋友既好消息~

有一個是懷有第二個了...好勤力, 大女今年新年前出世...出年就會升做家姐.
雖然都是好朋友, 但我知道時....我忍不住關了WIFI, 3G.....不想收到群組whatsapp的"恭喜..."
對不起YY...我真係不想聽到.......雖然事隔2個月了, 我....應該無事....但遇上這個情況時, 我心底都會好難受.

第二個好朋友~是我中學同學, 這個朋友情況不同, 因為佢身體體質比我地差好多.....

體重 - 只得8x-9x磅, 雖然人矮, 但瘦得好似人乾.....
面色- 比較差, 至細見佢都好似人虛有病咁既樣......
經期- 2-3個先一次....

因為我地幾個中學同學都有用紅D習慣, 所以都叫佢試下....都用了差不多一年,
週期長既問題, 佢睇了一兩個月中醫, 有幫助....由6-70天一週, 變了40天左右~
而且用了紅D, 佢都覺得有深粗開始14天後, 如不成功....都會預計到小紅就黎,
好過以前....估估下.

但近幾個月以我知, 佢停了睇中醫, 因為去旅行.....但紅D習慣就無變...
其實種種問題, 令佢一向都知道好難懷孕....加上老公都已經預了不會生,
佢自己都係.....有冇都不打緊了. 以佢覺得我跟另一個同學一定成功機會大過佢~
事實都是....我跟另一同學都在今年曾經成功, 但同樣地...不足3個月就.........
正當我地從新開始預備時, 佢成功了....

當我知道時, 打從心笑了出黎, 是真心的替佢高興....因為我都知, 佢既機率係較低, 都成功了.
所以我自己都要加油 !!!!!!

不負責任的老闆

點解我會咁講?!
其實都提過好多次, 細細老闆是我朋友來, 是打機識的, 好好笑 !!!

直到今時今日, 大家都人大了, 但仍然有打機.
都有共同一班朋友, 但我一直, 不想其他人知道我打佢工,

問心而論, 盤生意不是我的, 我只是一個打工仔,
雖然是朋友的公司, 但講真, 做了快2年喇~一直都想走.

"不負責任的老闆" 是指我這個朋友

第一個月- 成績表

11月15日(五)

小紅比預期中遲了3日, 近兩日見遲了, 有用紅D試試...有線, 但無越深, 所以我都知未必成功,
但一日未見紅, 一日仲有希望~所以, 尋日買了一支平平地既驗孕棒, 今朝用.

BBT有下降跡象, 小便時又未見小紅, 但都忍不住用了支棒棒 (好緊張.....) 無線~orz
唔緊要啦, 早一個月已約了加拿大既兩個好朋友, 今晚食大閘蟹, 所以算安慰一下自己.
但最好笑是....我臨出門返工前再上廁所............見紅 (心諗....你早d出來, 我咪慳返囉......)

又一條好漢

記得當我跟朋友講有關8週夢一事時,
我當時安慰自己~中醫調理後, 來一次經期,
又一條好漢, 重生, 又努力過!!!!!

星期六(26/10) 剛一個月, 我返去元朗看馮醫生覆診,
我同醫生講了一個月來, 身體既表現, 而且~經期已經來了同完結,
Cycle同以前一樣, 今次27日左右 (30日內), 醫生根據我既出血量
(量多既日子, 比之前多好多好多好多.......) 正常, 是預計之內,
其實中醫都提了我, 今次會量多.....但我都出事 XDDDD 整dirty了床單.
至於, 經前經後流啡分泌, 如果量不多, 時間一星期以下,
都正常.  今次醫生無幫我照超聲波, 因為佢結論是~身體大致已回複.

一直我都有用apps紀錄BBT, 所以我有比醫生看看, 過去一個月我BBT表現 - "正常",
照紀錄有升高同保持高溫, 高低溫有差距 = 有排卵.

今次覆診, 只係交談, 醫生提過~如果想快, 可以開排卵藥比我, 如果想確定知有否排卵,
可以回來抽血驗.  我自己心想順期自然一兩個月先, 同諗清楚先決定食藥, 因為壞處是,
有機會多胎.  抽血...BBT都可以反影到, 所以2樣都未落實做.

==============================================

排卵藥 = 經期第三天開始食
驗黃銅 = 經期第21日抽血驗

期待已夠的小紅

無睇錯, 真的等了很久...

由我接受現實開始, 已等了3個半星期,

因為林醫生說了, 只要來一次經期, 就可以再努力 !!!!!!

由9月20/21出血開始計, 今日為第26日.  跟過往cycle差不多日數,

我一直照舊在早上有量BBT, 剛過去的日子, 平均BBT為36.19 (比以前低了好多),

出血計Day 13為排旦日 =3= Program自動計的, 因為Day 14開始BBT就上升, 保持在36.56 - 36.61之間, DPO12開始下降, 下降之度數跟過往差不多, 大概2日時間就開始有分泌.

昨晚因為肚開始有M feel, 同有少許淡粉紅分泌, 我就看了中醫, 醫生話這一次藥, 會令經血量流得較多, 但就會準快完.  我當然求之不得啦....只要經期正常來臨, 快完結, 我又會是一條好漢, 再接再厲 !!!!!!

8週夢的 - BBT篇

 Post出來, 是希望比自己一個參考.

DPO 10 & 11 - 兩日都有點狀啡血, 其中更有滴出來
DPO 15          - 紅D有粗線
DPO 16          - 用快驗寶, BINGO了~!
DPO 18          - 抽血驗HCG, 私家醫生見個數值, 嚇定我不樂觀.

留意一下, 由驗到BINGO開始, BBT穩定過之前, 雖然都有上上落落, 但起碼我唔覺得有大跌.

就算之後第一次照超聲波流啡點開始, BBT都仍在高位, 但當開始轉為鮮血大概2日後, BBT就急跌了.