阿今 - Part IV (12 weeks)

< 7 Feb 2014 > 星期四 (初七)

今日好緊張~
因為約了下午 1:30 在屯門醫院做OSCAR 檢查,
我自己本身仍在放新年假, 而老公就請假一天
陪我去, 因為今日檢查好緊要, 同埋又可以
照U/S見阿今, 請假都應該啦~~~~

去到醫院, 登記完後, 等叫名對資料, 之後就
磅重, 再等叫名入房等U/S.
可能剛食完飯啦, 姑娘們心情都不錯, 講真...
我好怕政府醫院既姑娘, 因為每次接觸都好cool,
扮聽唔到.., 好在, 婦產科既姑娘都不錯, 心理上
都安心d.


可能我排隊前, 拎了前幾個既位置~好快就到我入
去, 最埋一格, 姑娘好溫柔地叫我小心上床,
問我有冇照過U/S, 我話在私家醫生有照過~
出奇地, 醫院用既jel係微暖, 只棒棒第一下落點,
我同老公已經見到阿今, 不過姑娘無為意,
邊左碌右碌, 解說先照照其他部位檢查下先~
之後越碌越上, 仲過埋肚臍 XDDDD
以我係私家照既經驗~阿今而家既位置應該偏底,
同埋一開始我地都見到阿今係邊, 但又不敢出聲,
怕打擾了姑娘, 因為我見佢應該好新手, 所以有d
緊張.

後來, 有個好明顯高級有經驗既姑娘入來, 旁觀見
新手姑娘有d無從入手, 就接手幫忙了, 佢好好...同樣地
都係非常溫柔 XDDD 好快就找到阿今定鏡放大,
我同老公都好驚訝~

1. 見得好清楚阿今既側面, 有輪廓...有鼻咀 =O=
2. 是政府部機真係好勁...好清楚~

姑娘搵到阿今後, 就再放大照頸皮, 可能大力啦~
我地第一次見到阿今蜈蚣彈 =O= 我呆了一呆~

姑娘其實都好大力按壓, 我係有感到少少痛,
但我見到阿今好似無受任何影響~所以我都無出聲.
最緊要佢乖定定地比姑娘照頸皮, 就得了~

****************************************
Week: 12 週
CRL: 53mm
頸皮:1.7mm