阿今 - Part III (10 - 11.5 weeks)

10 - 12 weeks (18 Jan - 7 Feb 2014)

上次9週檢查聽到阿今既心跳聲, 我同老公
個心都定d.  雖然醫生部機比較濛, 但我地
都清楚見到一個C字, 彎彎地扒係度.

呢3個星期剛好在新春期間, 我身體已經嘔
少了, 胃都仲有少少頂, 但比之前已經較好.
胃口其實我無太大變化~都是正常地戒口啦.

新年期間, 年糕 & 蘿蔔糕照食 XDDDDD
都係果句~食唔怕, 不要過量就可以了
(我同自己講~哈哈)

屋企人一路都未知~知道的只有我爸爸同
細佬, 媽咪未知~係因為我知佢會好緊張,
係超緊張~而且我知, 咁一定會好影響我心
情, 加大我壓力, 所以我選擇穩定了, 遲一
些再講吧.



過年前, 我地已傾好, 不會貼揮春, 不會張羅,
只是收拾好平時亂放的東西~大清潔拖地等.
基本上, 這些家務都好輕鬆, 最辛苦的, 就是
幫阿DEE (我小狗)沖涼.  彎腰彎得我腳仔軟..
腳都震埋, 沖好了之後就即交比老公吹毛.
我要時間回氣 =.=""

新年期間, 好笑的事去跟阿麻拜年時, 佢偷襲
摸我肚皮好幾次~我都快手地縮肚回避.  因為
我真的好想夠12週再講, 但阿麻個樣似非而是
咁, 似喇~~~~似喇~~~~~ (哈哈!!!)
我只可以講, 老人家真係好有經驗 ^^