阿今 - Part II (6 - 9 weeks)

<   2013年12月28日 (星期六)   >

好緊張, 不過我叫了老公不用陪我, 因為仲初期,
加上佢今日有事要返學, 大家都輕鬆一點吧.

跟馮醫生講解了一下經過後, 先上床照超聲波,
好開心, 醫生用在肚皮照一陣, 已搵到胎囊.
醫生大致照了一會同講解了胎囊size , 卵黃囊大細,
估計為5週. (比我預期中少了一週 =O=)

醫生話, 嗯~胎囊夠圓, 都好靚, 暫時不用擔心.
而且都證實了我的確已懷孕 !!!!!!

胎囊: 1.6cm (5wks)




照LMP計, 預產期: 8月22日
過了週末後, 本身安排了30, 31日休息, 有計畫地, 
預留了這兩日可以去健康院及醫院登記.
30日, 先去健康院登記及領取了一份小冊子,
同去屯門醫院排期做唐氏檢查, 幸運地,
醫院給了早孕唐氏檢查, 日期為2月6日(11wk6),
健康院初次檢查就2月20日(13wk6)

感覺~日曆表要寫得密密麻麻, 記底覆診日期同時間了.


<  2014年1月18日 (星期六)  >

相距4星期後, 今次老公跟我一齊去檢查, 因為
照計今日就夠9週大, 可以見到初型同心跳,
好緊張....醫生問過了身體反應後, 就話,
有嘔有扯住痛都是好的反應, 上床照照
超聲波先.....好快地, 已見到阿今好似一個 "C",
在子宮的下角位, 我見到有條線連住阿今,
應該就是臍帶, 醫生解說了頭, 身, 頸後,
Size好好, 剛好9週大.  之後醫生就開埋speaker,
比我地聽心跳...搵了一陣, 啊.....唔似火車聲,
但真係好快同埋"哄哄哄~~~"咁響.  感動~
暫時又過了一關, 老公話我好緊張, 因為醫生
講好多野我都無入腦 XDD 好在有佢幫手聽住~

BB身長: 2.44CM (9wks)
**************************************************

至從28號證實懷孕後, 今次的初孕反應都比較早出現,
例如: 嘔, 胃氣脹, 便秘, 流牙血.....

嘔吐 : 每朝一起身, 無論烏身定坐下, 都想嘔...好多胃氣,
有時我忍不住我會烏身令自己嘔出白泡, 感覺就馬上好好多.
試過一兩次, 嘔完結果見頭暈, 有次更加要請sick leave休息,
總之一見頭暈跟出冷汗, 我就會留家休息.

胃氣脹 : 每次食完少少野, 個胃就脹哂...好頂, 成肚氣,
尤其是午飯同晚飯後, 好失禮地, 經常性Ur氣同放屁 XDDDD
不過每朝起身, 個肚又平返哂~好神奇.

便秘 : 一直以來都有少少便秘, 以前會飲凍可樂, 凍奶茶幫手,
之後備孕後, 戒了凍飲, 就中醫幫忙, 一直都可以.  但懷孕後,
又開始返, 因為我想夠了3個月先看中醫安胎, 所以而家唯有
靠自己喇...暫時西梅+西梅汁都幫到少少.  但好難飲 =.=""
我要溝水, 先飲得落~好靈, 上午飲完,下午就有得去架喇.